মীয়ামগী মশিং অমসুং কাংলুপ মশক

মীয়ামগী মশিং অমসুং কাংলুপ মশক

ফেরজোল দিস্ত্রিক অসি বরাক উপত্যকাগী লমদম অসিদা হিল মীয়াম (চিংমী) মশিং য়াম্না লৈদুনা, মফম অসিদা মশিং য়ামদবা অস অমসুং অতৈ মীয়ামগী কাংলুপশিং থোক্না লৈরি। দিস্ত্রিক অসিদা লৈরিবা হিল মীয়াম কাংলুপশিংদি হমার, কুকি, পাইতে, সিমতে, গঙ্গে, জোউ, বৈপেই অমসুং অতৈ কাংলুপশিংনি। ২০১১ গী সেন্সস মতুং ইন্না, দিস্ত্রিক অসিগী অপুনবা মীয়াম মশিং ৪০,৯৩০ লৈরি, মসিনা মনিপুর রাজ্য পুম্বগী অপুনবা মীয়াম মশিং ২৫,৭২,৩৯৫ গী মনুংদা ১.৫৯% ওরি। অপুনবা মীয়াম মশিং অসিদা নুপা ২০,৪২৬ অমসুং নুপী ১৯,৯৬৪ য়াওরি। দিস্ত্রিক অসিগী নুপা ১০০০ কি মফমদা নুপী ৯৭৭ গী মশিং (লিংজেল) লৈরি।

ইলেক্তোরাল প্রোফাইল

ফেরজোল দিস্ত্রিক অসি ২-ওউতার মনিপুর পার্লিয়ামেন্তরী কোন্সিতুয়েন্সী (এস.টি.) গী মখাদা য়াওরি, মফম অসিগী ইকাইখুম্নরবা পার্লিয়ামেন্ত মীহুৎ (এম.পি.) অসি শ্রী থাংসো বাইতে নি। দিস্ত্রিক অসিদা বিধানসভা কেন্দ্র (এ.সি.) অনি — ৫৫-তিপাইমুখ (এস.টি.) এ.সি. অমসুং ৫৬-থানলোন (এস.টি.) এ.সি. লৈরি। ডক্টর চলতোলিয়েন অমো (আই.এন.সি.) অমসুং শ্রী ভুজগিন ভালতে (বি.জে.পি.) অসি মথংশিৎনা হৌজিক লৈরিবা বিধানসভা মীহুৎ (এম.এল.এ.) অনি ওইরি। দিস্ত্রিক অসিগী মনুংদা চুরাচাঁদপুর মনিংতৈবা দিস্ত্রিক লৈঙাক্কী দিস্ত্রিক কোন্সিল কোন্সিতুয়েন্সী ৫ — ৫-থানলোন দি.সি.সি., ৬-পারবুং দি.সি.সি., ৭-ভেনগাই দি.সি.সি., ৮-সেনভোন দি.সি.সি. অমসুং ৯-ঙ্গাজম এরিয়া দি.সি.সি. লৈরি। ০১/০১/২০১৮ গী তাংগী মখা পনবা চেরোল (ফাইনল ইলেক্তোরাল রোল, ২০১৮) মতুং ইন্না দিস্ত্রিক অসিদা অপুনবা ভোট থোক্নবা মীওই (ইলেক্তর) ৩৫৮০২ (তিপাইমুখ এ.সি. – ১৭৮৩৪ অমসুং থানলোন এ.সি. – ১৭৯৬৯) লৈরি।